पावसाळा
सुरु झाला की, गरम-गरम
बेसन झुणका आणि भाकरीचा बेत एकदातरी झालाच पाहिजे. आहा... स्वर्गसुखच म्हणा ना.
साहित्य - १ वाटी बेसन
पिठ, तीन वाट्या पाणी, वाटीभर
कोथिंबीर.
फोडणीसाठी साहित्य - ३-४ टेबलस्पून तेल, एक टिस्पून मोहोरी, चिमूटभर हिंग.
५-६ लसूण पाकळ्या, ५-६ पाने कढीपत्ता, १ कांदा, १ टोमॅटो, २ हिरव्या मिरच्या, अर्धा इंच आद्रक सर्व साहित्य जमेल तेवढे अगदी बारीक चिरून घ्या. एक टिस्पून हळद, दोन टिस्पून लाल तिखट, एक टिस्पून मीठ.
कृती- १ वाटी बेसन पिठामध्ये तीन
वाट्या पाणी घालून पातळ मिश्रण तयार करा.यात गुठळ्या होऊ द्यायच्या नाहीत. यामध्ये
मूठभर चिरलेली कोथिंबीर मिक्स करून बाजूला ठेवून द्या.
एका कढईमध्ये तेल घेऊन ते कडकडीत गरम झाले की, मोहोरी घालावी ती तडतडल्या नंतर यात हिंग,लसूण,कढीपत्ता,कांदा,टोमॅटो,मिरची,आद्रक हे साहित्य लालसर परतून घावे.
मिश्रणाला तेल सुटू लागले की मग यात हळद,निखत,मीठ घालून दोन मिनिट एकसारखे परतावे. सर्व साहित्य शिजून व्यवस्थित एकजीव
झाल्यानंतर यात वरून बेसन-पाणी-कोथिंबीर मिश्रण घालावे व एकसारखे मिक्स करून घ्यावे. आता मोठा चमचा
घेऊन पाच मिनिट सतत हे मिश्रण ढवळत रहावे.अन्यथा ते खाली चिकटून राहण्याची शक्यता
असते. कढईवर झाकण ठेवून बेसन मंद आचेवर शिजू द्यावे. पातळ मिश्रण अगदी घट्ट होईपर्यंत
मध्येमध्ये ढवळावे म्हणजे करपणार नाही. साधारण ५-१० मिनिटात झुणका तयार होतो.
असा साधासुधा पण लज्जतदार बेत या पावसाळ्यात एकदातरी होऊन जायदया.
'गरमा-गरम झुणका भाकरी सोबत एखादा पापड आणि बारीक चिरलेला कांदा.'
कोणत्याही टिप्पण्‍या नाहीत:
टिप्पणी पोस्ट करा